Mbështetësit e organizatës terroriste PKK/YPG në Suedi zhvilluan një protestë ku vendosën në objektiv Turqia dhe presidentin Recep Tayyip Erdogan.
Mbështetësit e organizatës terroriste PKK/YPG u mblodhën në sheshin “Medborgarplatsen” në kryeqytetin e Suedisë, Stokholm dhe kërkuan anulimin e marrëveshjes që Suedia ka bërë me Türkiye-n për procesin e anëtarësimit në NATO.
Duke mbatur copa lecke që simbolizojnë organizatën terroriste PKK/YPG, protestuesit hapën posterin e kreut Abdullah Ocalan dhe brohoritën me slogane kundër presidentit Erdoğan. Gjatë marshimit të tyre nën shoqërinë e policisë drejt Parlamentit të Suedisë, mbështetësit e terrorizmit hodhën slogane “Jo NATO-s”.
Policia suedeze mori masa për të mos penguar marshimin e mbështetësve të terrorizmit dhe për një kohë të shkurtër mbylli trafikun në rrugët drejt destinacionit të marshimit.
– Provokimet e PKK/YPG-së në Suedi muajin e fundit
Duke përfituar nga hapja e Parlamentit suedez më 13 shtator, mbështetësit e organizatës terroriste PKK/YPG, ndanë në llogaritë e tyre në median sociale protestën e tyre të paautorizuar para Parlamentit.
Në videon e postuar u paraqitën pamje ku mbështetësit e organizatës terroriste mbanin copa lecke që simbolizojnë organizatën terroriste PKK/YPG, ku hapin posterin e kreut Abdullah Öcalan dhe ku djegin një kukull të përngjasuar me presidentin Erdoğan.
Më 25 shtator një grup i mbështetësve të organizatës terroriste u mblodh para ambasadës së Türkiye-s në Stockholm, të cilët kënduan përpara leckave që simbolizojnë PKK/YPG-në dhe e shpërndanë këtë në llogaritë e tyre në mediat sociale.
– Arrestohen 3 persona që kundërshtuan Momika-n i cili dogji Kuranin në Malmo.
Në rajonin Lorensborgstorget në qytetin Malmö të Suedisë, Salwan Momika-n me origjinë irakiane sulmoi Kuranin nën mbrojtjen e policisë. Policia arrestoi 3 persona të cilët u përpoqën të pengojnë këtë ngjarje.
Momika i cili pas këtij veprimi u largua nga vendi i ngjarjes me mjetin e blinduar të policisë, u shoqërua nga rreth 100 policë dhe 20 automjete policore, 10 prej të cilëve të blinduara./AA
