Siria ka kritikuar Këshillin e Sigurimit të OKB-së për mosveprimin e tij ndaj akteve të reja të agresionit të Izraelit kundër territorit sirian në lartësitë Golan, duke denoncuar sulmet si një dëshmi e bashkëpunimit të Tel Avivit me grupet terroriste.
Në dy letra dërguar sekretarit të përgjithshëm të OKB-së Antonio Guterres dhe presidentit të Këshillit të Sigurimit të OKB-së të shtunën, Ministria e Jashtme siriane dënoi sulmet e fundit të Izraelit si “përpjekje e dëshpëruar” e Tel Avivit për të mbështetur grupet terroriste në zonë. Letrat paralajmëruan për pasojat serioze të akteve agresive të përsëritura të Izraelit, të cilat përbëjnë një shkelje flagrante të parimeve të Kartës së Kombeve të Bashkuara dhe sundimit të së drejtës ndërkombëtare. Damasku shprehu keqardhjen për dështimin e Këshillit të Sigurimit për të dënuar sulme të tilla izraelite. Të enjten, Izraeli goditi një pozicion të artilerisë siriane pranë qytetit jugperëndimor të Kuneitrës. Gjithashtu të shtunën, ushtria izraelite tha se kishte sulmuar tre pozicione të artilerisë së ushtrisë siriane në lartësitë Golan në përgjigje të asaj që pretendonte të ishte lëshimi i pesë predhave artilerike nga Siria./ PT
