Rajoni Shqiperia

Tsipras paralajmërim Shqipërisë, “kërcënon” me anëtarësimin në BE

Kryeministri i Greqisë Alexis Tsipras, së fundmi ka folur në lidhje me anëtarësimin e Shqipërisë në BE.

Ndër të tjera Cipras ka paralajmëruar Shqipërinë se respektimi i të drejtave të pakicave dhe i ligjit ndërkombëtar, është kusht themelor për anëtarësim në Bashkimin Europian, duke i drejtuar kështu një mesazh Shqipërisë.

“Respektimi i të drejtës ndërkombëtare, respektimi i të drejtave të pakicave dhe sundimi i ligjit janë kritere të pacënueshme për anëtarësim në BE”, u shpreh Tsipras, por duke mos e përmendur Shqipërinë.

“Të gjitha vendet e Ballkanit duhet të ndjekin shembullin e bashkëpunimit”, theksoi Tsipras, duke përmendur Serbinë si shembullin e rajonit që respekton minoritetet dhe të drejtën ndërkombëtare.

“Serbia i respekton këto kritere dhe vendet e tjera të rajonit duhet të ndjekin këtë rrugë”, shtoi Kryeministri grek.

Tsipras e konsideron të rëndësishëm anëtarësimin në BE të vendeve të Ballkanit, duke i bërë thirrje gjithashtu unionit që të japë një vizion të qartë dhe pozitiv ndaj këtyre shteteve. Këto deklarata, Alexis Tsipras i bëri gjatë konferencës në samitin mes Serbisë, Greqisë, Bullgarisë dhe Rumanisë.

OPINIONE