Ne jemi thellësisht të trishtuar nga lajmi që më shumë se 40 fermerë kanë humbur jetën dhe shumë të tjerë kanë mbetur të plagosur rëndë në sulmin e organizatës terroriste Boko Haram në një fushë orizi në qytetin Zabarmari në shtetin Borno të Nigerisë më 28 nëntor 2020, fillon komunikata e Ministrisë së Punëve të Jashtme të Turqisë.
Ne e dënojmë këtë sulm të urryer terrorist. Ne u shprehim ngushëllimet tona të sinqerta familjeve të atyre që humbën jetën në sulm, popullit mik dhe vëlla të Nigerisë dhe Qeverisë nigeriane dhe u urojmë shërim të shpejtë të plagosurve, përfundon komunikata.
Më shumë se 20 mijë njerëz kanë humbur jetën në aktet e dhunës masive që organizata terroriste Boko Haram ka kryer që nga viti 2009 në Nigeri, ku ajo është aktive që nga fillimi i vitet 2000.
Ndërsa që nga viti 2015 e këtej organizata ka realizuar sulme edhe në vendet fqinje si Kamerun, Çad dhe Niger. Në sulmin e organizatës në Pellgun e Liqenit të Çadit mbetën të vdekur të paktën 2 mijë njerëz, ndërsa 3 milionë u detyruan të zhvendosen në vende të tjera./trt