Këshilli i Kërkimeve Shkencore dhe Teknologjike të Turqisë (TUBITAK) ka njoftuar se kërkimet dhe testet laboratorike për ilaçin vendas që do të përdoret në kurimin e kancerit të qafës dhe kokës, janë tashmë në fazën përfundimtare.
“Ilaçi kundër kancerit do t’i dorëzohet kompanisë farmaceutike në maj të vitit 2019. Deri atëherë, ai duhet të kalojë edhe disa procese të tjera për t’u bërë një kurë e mirëfilltë për pacientët tanë”, ka thënë ministri turk i Industrisë dhe Teknologjisë, Mustafa Varank.
