Incidentet e vazhdueshme në xhaminë Al-Aksa janë të papranueshme dhe populli palestinez nuk është vetëm, tha zëdhënësi presidencial İbrahim Kalın, pasi theksoi mbështetjen e Turqisë për popullin palestinez.
Duke folur për raportet në një konferencë shtypi në Ankara, Kalın i kërkoi bashkësisë ndërkombëtare të ndërmarrë hapa për të de-eskaluar tensionet në kompleks.
Xhamia Al-Aksa është vendi i tretë më i shenjtë në Islam pas qyteteve të shenjta të Mekës dhe Medinës.
Autoritetet izraelite e mbyllën kompleksin të shtunën pas një përplasjeje që la pesë të vdekur. Ata gjithashtu anulluan lutjen javore të së premtes për herë të parë në pothuajse pesë dekada.
Ndërkohë, Kalın gjithashtu preku zhvillimet e fundit në rajon, pasi ai vuri në dukje se Turqia është gati t’i ofrojë ndihmë Irakut për rindërtimin e Mosulit, i cili kohët e fundit është çliruar nga terroristët e Daeshit.
Ai tha se Turqia mirëpret reduktimin e kërkesave për Katarin nga 13 në 6 pika.
Në përgjigje të polemikave rreth marrëdhënieve Turqi-Gjermani, Kalın i kërkoi Gjermanisë të përdorte mirëkuptimin. / © Gazeta Impakt
