Ndaj aksionit ushtarak të SHBA në Siri ka reaguar sot dhe Famulltari i Përgjithshëm i Papa Franceskos në Vatikan, Kryepeshkopi i Katedralesë së Shën Pjetros në Selinë e Shenjtë, kardinali Angelo Comastri.
Në një intervistë të dhënë për Televizionin e Vatikanit TV2000, kardinali Comastri u shpreh: “Dhuna nuk është kurrë një fitore, me dhunë nuk fiton askush. Dhuna është një humbje për njerëzimin e nuk zgjidh problemet. Vetëm me dialog zgjidhen problemet.” “OKB lindi nga dëshpërimi i Luftës së Dytë Botërore. Sot për fat të keq OKB nuk ekziston më, Dialogu është mundur e nuk jemi më në gjëndje të komunikojmë. Luftërat vendosen në tavolinë e kush vendos të kryej ato, nuk vuan. Vuajnë të varfërit, të pambrojturit. Ja pra pse luftën nuk mund ta pranjmë kurrë.”/ PT
