Shqiperia

Vidhet gjatë natës Drejtoria e Patentave në Tiranë, autorët marrin kasafortën me vete

Vidhen gjatë natës zyrat e Drejtorisë së Përgjithshme të Transportit Rrugor, në Kashar.

Vjedhja ka ndodhur gjatë natës nga dy persona ende të paidentifikuar dhe është konstatuar mëngjesin e sotëm nga pastruesja e institucionit.

Nga hetimet e para ka rezultuar se janë sulmuar dy kasaforta, njëra është hapur dhe i janë marrë gjërat apo paratë që ka pasur brenda, ndërkohë që tjetra nuk është hapur dot dhe është rrëmbyer ashtu siç ka qenë.

Autorët më pas janë larguar me një automjet. Po këqyren kamerat e sigurisë për të hedhur dritë më tej mbi ngjarjen.

Sa i përket shumës së grabitur nuk ka ende detaje, ndonëse thuhet se në kasaforta nuk mbaheshin shumë para, por zakonisht dokumente./tpz

OPINIONE

INTERVISTA