Një drejtor muzeu në krahinën lindore të Karsit në Turqi ka thënë se ushtari rus, skeleti i së cilit u gjet brenda një arkivoli të fshehur në krahinën fqinje të Ardahanit ishte një kapiten ushtrie, njoftoi agjensia shtetërore Anadolu.
Drejtori i Muzeut të Karsit, Necmettin Alp tha se kapiteni ndoshta kishte shërbyer gjatë pushtimit rus të Karsit dhe Ardahanit pas Luftës Otomano-Ruse 1877-1878.
“Personi brenda arkivolit është një kapiten rus në detyrë në një garnizon rus në Ardahan sepse ka tre yje në uniformën e tij, së bashku me numrin 20. Ky mund të jetë numri i tij i regjistrimit,” tha Alp.
Ai shtoi se skeleti ishte sjellë për t’u ruajtur brenda muzeut, dhe ata më pas do të paraqisnin një raport në Ministrinë e Kulturës mbi kufomën.
Një arkivol që fillimisht mendohej se i përkiste një gjenerali rus u zbulua gjatë gërmimeve të themelimit për një projekt ndërtimi në Ardahan.
Arkeologu Ünver Solaklıoğlu kishte thënë se arkivoli kishte të ngjarë të ishte një gjeneral rus, i cili kishte jetuar pas vitit 1878, duke u bazuar në faktin se rusët u vendosën aty në atë kohë.
Qindra vendas u dyndën në zonën e ndërtimit për të parë arkivolin dhe skeletin pasi raportet qarkulluan në mediat sociale, mes zërave se në vendngjarje u zbuluan ar dhe objekte artificiale të vlefshme. / © Gazeta Impakt
