Agjencia e lajmeve Reuters njoftoi se ngjari filloi në këtë mënyrë që gjatë disa ditëve të kaluara një këlysh të cilit i ishin këputur duart, këmbët dhe bishti, u gjet në një pyll në rajonin Sapanxha dhe u vendos nën kurimin mjekësor, mirëpo kjo kafshë e plagosur ngordhi të premten gjatë një ndërhyrje kirurgjike dhe policia e Turqisë ka arrestuar një person të dyshuar për torturimin e këtij këlyshi.
Publikimi i pamjeve të këtij qeni të torturuar ka ngjallur irritimin e qytetarëve të Turqisë. Shumë përdorues të rrjeteve sociale, politikanë, aktivistë për mbrojtjen e të drejtave të njeriut dhe aktivistë për mbrojtjen e kafshëve kanë kërkuar arrestimin e personit të dyshuar dhe dënimin e tij. Kjo ngjarje përfshiu Turqinë deri në atë masë sa që Rexhep Taip Erdogan gjatë fushatës së tij elektorale ka deklaruar se në rast të fitores në zgjedhjet e 24 qershorit, do të ndryshojë ligjet për të drejtat e kafshëve në Turqi. Ai ka thënë: “Në çfarëdo rasti që vërehet shkelja e të drejtave të kafshëve si në shtëpi dhe si në rrugë, do të shqyrtohet në mënyrë serioze. Sot autoritetet e rajonit Sapanxha kanë arrestuar personin e dyshuar për këtë ngjarje. Ky veprim është i papranueshëm, prandaj është shumë e rëndësishme që të shtojmë vigjilencën dhe informimin tonë”.
Skandali me këtë këlysh është bërë shkak për krijimin e një uniteti të paparë mes partive politike të Turqisë dhe kandidatëve për zgjedhjet presidenciale. Secili prej tyre kanë dënuar këtë veprim dhe kanë kërkuar vendosjen e masave të ashpra kundër veprimeve të tilla që shkelin të drejtat e kafshëve.
Gjithashtu, edhe Maral Akshener, kandidatja e Partisë së Mirë, me anë të një mesazhi në Twitter ka dënuar këtë ngjarje dhe ka thënë: “Kjo dhunë kundër një qeni të vogël, është një ngjarje shumë e dhimbshme e cila tregon humbjen e vlerave në vendin tonë”.
Në këtë kuadër Byrat Albajrat, ministri i energjisë së Turqisë, ka publikuar një video në të cilën vërehet Erdogan duke ushqyer një qenë./ PT
