Basha siguron studentët: Nuk do iu digjet viti akademik, Ramën e ka kapur paniku

Kryedemokrati Lulzim Basha ka siguruar studentët se nuk do iu digjet viti akademik pas deklaratave të kryeministrit Edi Rama.

Basha shkruan në “Twitter” se Ramën e ka kapur paniku ndaj kërcënon studentët me humbjen e vitit. Kreu i PD iu bën thirrje studentëve të mos kenë frikë pasi e gjithë shoqëria është me ta.

I kapur nga paniku Rama kërcënon #studentët me humbjen e vitit shkollor. Me mirënjohje për shembullin e tyre, opozita i siguron studentët që viti akademik nuk do të humbasë duke ju bërë thirrje të mos kenë frikë. Kauza e tyre është e drejtë! Mbarë shoqëria është me ta! #16shkurt”, shkruan Basha.

Më 2 shkurt gjatë një bashkëbisedimi me studentët tek Konviktet e Mjekësisë, kryeministri i bëri apel studentëve që të shkojnë në mësim, pasi në të kundërt do humbasim mësimin.

Pakica pengon shumicën që të zhvillojë mësim. Shkoni në mësim sepse do humbisni vitin akademik”, tha Rama.

NDANI KËTË POSTIM

Mund tju interesojne