“Bllokimi i rrugëve nga protesta, miliona euro dëm bashkisë”, gazetari i përgjigjet Veliajt: E di çfarë stresi dhe dëmi na ke shkaktuar ti çdo ditë?!

Gazetari Flamur Vezaj ka reaguar pas deklaratës së kryetarit të bashkisë Erion Veliaj, se bllokimi i rrugëve nga protesta e opozitës i ka kushtuar bashkisë miliona euro.

Gazetari i kujton Veliajt se sa herë janë bllokuar rrugët në Tiranë me arsyetimin se po bëhen punime.

“E di cfare stresi dhe demi na ke shkaktuar ti cdo dite me tmerrin ne trafik nga bllokimi i sheshit, bllokimi i rrugeve me arsyetimin e punimeve apo edhe per bllokimin e disa rrugeve me arsyetimin se jane prona private te aleateve te partise tende!”, shkruan Vezaj.

Gjatë inspektimit të punimeve për ndërtimin e 14 të këndit të lojërave në Njësinë 5, Veliaj komentoi sot protestën e opozitës dhe bllokimin e 5 akseve kryesore të vendit duke thënë se i ka shkaktuar një dëm të madh buxhetit të bashkisë.

“Edhe në një ditë si kjo e sotmja, kur patëm bllokim rrugësh, njerëzit duhet të kuptojnë se një orë e bllokuar në Tiranë, janë disa milionë euro shpenzime të qytetit, në shërbime të munguara në transport, në punë të pambaruara. Uroj që ata që e kishin në dorë për ta bërë Tiranën me të gjithë këto investime për 4 vjet, të kuptojnë se duke e bllokuar, thjesht u kujtojnë njerëzve se si e bllokuan 4 vjet me gjumin në Bashki, ndërkohë që shumë prej këtyre punëve mund të ishin bërë përpara 4 viteve”, tha Veliaj.

REAGIMI I PLOTË I VEZAJT

“Lali Eri, nuk duron dot! Qenka merzit se makina e tij paska prit ne trafik nga bllokimi i rrugeve dhe nuk ka arrit ne kohe prane parkut te femijeve qe inaguroi por te ndertuar nga nje kompani mediatike! Paska thene se Bashkise i jane shkaktuar miliona euro dem nga bllokimi i rrugeve per nje ore! Lali Eri sa dem i ke shkaktuar Bashkise per ditet pa mkina?!? E di cfare stresi dhe demi na ke shkaktuar ti cdo dite me tmerrin ne trafik nga bllokimi i sheshit, bllokimi i rrugeve me arsyetimin e punimeve apo edhe per bllokimin e disa rrugeve me arsyetimin se jane prona private te aleateve te partise tende! Ik e futja noj dreke me sallat e birra me shefin e akuzes dhe mbylle edhe ate ceshtjen e gjobes se falsifikuar po ndaj opozites se ja ke marr doren! #mashtrimi_i_radhes# #suksese_ne_jete#/Shuplaka

NDANI KËTË POSTIM

Mund tju interesojne