Përfaqësuesi i Lartë i Bashkimit Evropian (BE) për Punët e Jashtme dhe Politikën e Sigurisë, Josep Borrell njoftoi se Këshillit të Evropës i ka paraqitur një propozim që 90 për qind e të ardhurave të siguruara nga menaxhimi i aseteve ruse të ngrira të përdoren për mbështetjen e Ukrainës në luftë.
Nga llogaria e tij X, Borrell bëri një postim lidhur me përdorimin e të ardhurave të siguruara nga asetet e ngrira të Rusisë në kuadër të sanksioneve të BE-së për të mbështetur Ukrainën.
“Sot i kam paraqitur Këshillit një propozim që të ardhurat e siguruara nga asetet e ngrira të Rusisë, të përdoren me qëllim për mbështetjen në luftën e Ukrainës. 90 për qind do të ndahen nga Fondi Evropian i Paqes dhe 10 për qind nga buxheti i BE-së” njoftoi Përfaqësuesi i Lartë i BE-së.
Sipas informacioneve të pasqyruara në media, të ardhurat në fjalë korrespondojnë me vlerën 190 miliardë euro të letrave me vlerë dhe parave të gatshme të Bankës Qendrore të Rusisë. Vendet e BE-së në samitin e liderëve që do të zhvillohet nesër do të trajtojnë edhe njëherë çështjen por nuk pritet që të merret një vendim menjëherë./AA
