Rajoni

Daçiç: Nuk jemi optimistë se marrëveshja me Kosovën do të kënaqë interesat nacionale serbe

Ministri i Punëve të Jashtme i Serbisë, Ivica Daçiç, ka vazhduar me deklarata lidhur me dialogun midis Kosovës dhe Serbisë, duke thënë se suksesi në dialog varet nga ajo se sa pala kosovare është e gatshme për kompromis.

“Nëse ata mendojnë se kompromisi dhe zgjidhja është që ne thjesht ta njohim Kosovën, duhet ta dinë që është jo reale dhe askush nuk mund ta kërkojë këtë”, ka thënë Daçiç për TV Pink.

Shefi i diplomacisë serbe shtoi se qëllimi i tyre është që Serbia të ruajë interesat e saj nacionale dhe shtetërore.

Më tej ai ka thënë se tash e tetë vjet, po luftuar për temën e Kosovës.

“Në këto tetë vjet, ne kemi filluar negociata serioze dhe dialogu duhet të vazhdojë. Sigurisht se ne kemi bërë edhe diçka të gabuar. Së pari, fakti që ne iu drejtuam Gjykatës Ndërkombëtare të Drejtësisë në Strasburg, të cilën ata e përdorin sot si alibi se gjithçka është zgjidhur, dhe tjetra është se Tadiq e ndryshoi vendimin e Qeverisë dhe rezolutën e paraqitur të Jeremiqit e barti në Bruksel”, tha Daçiç.

Siç thotë ai, çfarëdo që të bëhet dhe çfarëdo marrëveshje të arrihet, ajo duhet të verifikohet në Këshillin e Sigurimit të Kombeve të Bashkuara.

“Ekziston dëshira për të shpejtuar negociatat, por edhe një mungesë idesh se cili do të ishte ai kompromis”, tha Daçiq, duke theksuar se Beogradi e ka thënë qartë se do të vazhdojë dialogun pas zgjedhjeve.

“Dashtë Zoti që të zgjidhet kjo dhe ne të kënaq interesat tona nacionale, por nuk jemi shumë optimistë”, tha Daçiç./BW

OPINIONE

INTERVISTA