Sipas Pars Today, Press TV duke cituar raporte nga mediat amerikane, botimet e mbrojtjes dhe analistët e pavarur, raportoi se agresioni 12-ditor i Izraelit kundër Iranit, shkaktoi uljen e konsiderueshme të numrit të raketave amerikane që përdoren në sistemin THAAD, raketa që u përdorën për të mbështetur regjimin sionist.
Disa ditë më parë, revista Newsweek shkroi se SHBA-të transferuan një pjesë të madhe të pajisjeve të tyre të avancuara të mbrojtjes në rajon për të mbështetur Izraelin, por kjo përpjekje pati rezultate të paqarta nga njëra anë dhe ndikim në rezervat strategjike të SHBA-së nga ana tjetër. Sistemi THAAD prodhohet nga Lockheed Martin dhe është një komponent kyç i sistemit shumështresor të mbrojtjes ajrore të Izraelit.
Ai është projektuar për të kapur raketa balistike me rreze të mesme veprimi, duke përfshirë ato të lëshuara nga Irani dhe Jemeni. Sistemi përdor një metodë të quajtur “sulm për të shkatërruar” kërcënimet, duke shkatërruar raketat pa përdorur një kokë rakete shpërthyese dhe duke përdorur energjinë e saj kinetike. PressTV shkruan se kufizimet e sistemit përfshijnë vështirësinë në dallimin e kokave të vërteta raketore nga mbuluesit e tyre, cenueshmërinë ndaj sulmeve masive dhe joefektivitetin relativ kundër raketave të reja hipersonike. Sipas medias, performanca e THAAD ishte shumë më e dobët gjatë konfliktit 12-ditor me Iranin. Irani qëlloi midis 370 dhe 500 raketa balistike, duke tejkaluar shumë kapacitetin e THAAD.
Në ditët e para të luftës, Irani përdori qëllimisht raketa balistike të vjetra me lëndë djegëse të lëngshme për të lodhur mbrojtjen ajrore të armikut. Raketat më të përparuara dhe të manovrueshme u përdorën vetëm pasi rezervat e interceptorëve të Izraelit u shteruan ndjeshëm. Gazeta izraelite Haaretz gjithashtu vlerësoi se gjatë konfliktit u qëlluan gjithsej 200 raketa interceptuese amerikane dhe izraelite, me vlerë afërsisht 1.5 miliardë dollarë. Megjithatë, Press TV raportoi se ajo për të cilën bien dakord të gjitha burimet është se rezervat e interceptorëve THAAD janë ulur rëndë. Të paktën 48 raketa interceptuese, ekuivalente me të gjithë kapacitetin e një baterie THAAD, janë përdorur gjatë konfliktit. Duke pasur parasysh vendosjen e dy baterive THAAD në territoret e pushtuara dhe intensitetin e lartë të operacioneve për shkak të sulmeve të mëparshme me raketa nga Jemeni, numri i raketave të përdorura ka të ngjarë të jetë afër 96. Kjo përbën një ulje prej rreth 30 përqind të rezervave totale të THAAD të SHBA-së. Analistët gjithashtu theksojnë se SHBA-të kanë porositur vetëm 41 interceptorë THAAD në tre vitet e fundit, duke përfshirë raketat e destinuara për klientët e eksportit. Kjo shkallë e ulët prodhimi nxjerr në pah cenueshmërinë e sistemeve të përparuara të mbrojtjes nga raketat, në një luftë të vazhdueshme me vëllim të lartë raketash./parstoday
