Shqiperia

Europol, DEA, FRONTEX, UNODC piketojnë mafiozët shqiptarë, mburoja e pushtetit drejt copëtimit

Partnerët ndërkombëtar po ndihmojnë Shqipërinë në arritjen sa më shpejt të rezultateve konkrete kundër krimit të organizuar. Mafia shqiptare synohet të tronditet dhe prej kohësh janë gjurmuar rrënjët e saj në Shqipëri dhe në shtete të tjera të botës, ku ka shtrirë aktivitetin e saj.

Në kuadër të këtyre operacioneve ministri Fatmir Xhafaj ka zhvilluar takime me krerët e institucioneve që më të rëndësishme ndërkombëtare.

“4 ditë të ngjeshura me takime&aktivitete për çështje të sigurisë në BE e rajon. 2-3 tetor, takim i Drejtorëve të Policisë së vendeve ballkanike, Europol, DEA, FRONTEX, UNODC”, shkruan Xhafaj në një postim të tij.

Po ashtu është bërë identifikimi dhe gjurmimi “i kokave” të bandave, aktiviteti i të cilave pritet të shpartallohet dhe t’i vihen para drejtësië.

Për autoritetet ndërkombëtare gjithçka është e qartë, mbetet vetëm që autoritetet shqiptare me “hir apo me pahir” , të bëjnë ekzekutimet.

Dosja e “613 kilogramëve kokainë” është zbërthyer, “Toytoa Yaris” po ashtu, por mburoja politike e tyre po vonon ditët. Skema është e koklavitur pasi janë të përlyer pushtet –drejtësi-kriminelë, por provat dhe emrat janë të dokumentuar dhe askush nuk do të ketë shpëtim.

OPINIONE