Një bombë molotov ka plasur brenda territorit të Xhamisë së Namazgjasë mbrëmjen e sotme, para Parlamentit.
Mësohet se po ashtu është gjetur edhe një tjetër koktejl molotov në tokë, e paplasur jashtë Parlamentit.
Ende nuk ka informacione mbi ngjarjen në fjalë, ndërkohë që duhet theksuar se zona në fjalë ka shumë pak lëvizje, sidomos gjatë orarit të shtetrrethimit.
Ky provokim i turpshëm vjen pas një dite me protesta të mëdha në Tiranë, kundër qeverisë për shembjen e Teatrit Kombëtar.
Gjithësesi, ende nuk ka një reagim zyrtar nga Policia e Shtetit.
Sipas pamjeve të sjella nga agjencia e fotografive LSA, duket edhe tym që del nga brenda rrethimit të xhamisë që është ende në ndërtim, ku mësohet se po digjet një kontenier.
Kjo ngjarje bëhet akoma më e rëndë, pasi besimtarët myslimanë janë në agjërim në këtë muaj të Madhërishëm të Ramazanit.