Luftëtarët e lëvizjes së rezistencës libaneze Hezbollah kanë kryer disa sulme me artileri dhe dronë kundër pozicioneve ushtarake izraelite në veri të territoreve të pushtuara në hakmarrje për sulmin e vazhdueshëm izraelit kundër Rripit të Gazës. Mediat libaneze raportuan se luftëtarët e Hezbollahut goditën një grup ushtarësh në bazën al-Marxh, duke rezultuar në viktima në zonën e synuar.
Grupi i rezistencës libaneze mori gjithashtu përgjegjësinë për një sulm me dron kundër bazës ushtarake izraelite Beit Hillel, duke e nxjerrë jashtë funksionit të ashtuquajturin sistemi raketor Iron Dome. Hezbollah tha në një deklaratë se avionët ushtarakë izraelitë u përpoqën të kapnin dhe rrëzonin dronët që po vinin, por nuk ia dolën. Pamjet video të qarkulluara në platformat e mediave sociale treguan dronët që shmangnin raketat izraelite ndërsa kryenin manovra të shumta dhe kalonin Linjën Blu në territoret e pushtuara palestineze.
Më herët, Hezbollahu tha se kishte lëshuar raketa Katyusha në anën veriore të territoreve të pushtuara nga Izraeli në hakmarrje për sulmet izraelite që vranë dy persona në Libanin jugor. Luftëtarët e Hezbollahut qëlluan “një breshëri raketash Katyusha në përgjigje të sulmeve të armikut izraelit ndaj civilëve në fshatin Tayr Harfa”, tha ky grup në një deklaratë./Parstoday
