Bota

Irani kritikon ashpër ndërhyrjen ‘groteske’ të SHBA-së në punët e brendshme të vendit

Ambasadori i Iranit në OKB Gholamali Khoshroo ka akuzuar SHBA-në për ndërhyrje “groteske” në çështjet e vendit dhe për inkurajim për ndryshimin e regjimit të Republikës Islamike. Ai gjithashtu akuzoi Trumpin për nxitje të “veprimeve shkatërrimtare”.

Gjatë valës së protestave në Iran kundër standardeve të përkeqësuara të jetesës dhe papunësisë, Uashingtoni shpejtoi të tregojë mbështetjen e tij për protestuesit. Presidenti Donald Trump vlerësoi trazirat kundër “regjimit brutal dhe të korruptuar iranian”, dhe tha se SHBA po e vëzhgonte situatën nga afër.

E dërguara e SHBA-së Nikki Haley u zotua gjithashtu të kërkojë një takim të “urgjent” të Këshillit të Sigurimit të OKB-së të hënën për të diskutuar situatën në Iran. Asnjë takim i tillë nuk është planifikuar ende.

Teherani ka vazhduar ti kundër përgjigjet qëndrimit amerikan. Khoshroo i dënoi “veprimet e ndërhyrjes së administratës amerikane në punët e brendshme të Iranit dhe i cilësoi të një mënyre groteske”. Ambasadori tha se Uashingtoni ka ndërhyrë në punët e brendshme të Iranit nën pretekstin e mbështetjes së tubimeve”, të cilat në disa raste ishin rrëmbyer dhe tjetërsuar nga të infiltruarit me qëllim për të kryer edhe vrasje.

“Administrata e tanishme e SHBA-së ka kaluar çdo kufi të rregullave dhe parimeve të së drejtës ndërkombëtare që qeverisin sjelljen e civilizuar”, tha Khoshroo në një letër për OKB-në, të cituar të enjten nga agjencia e lajmeve Tasnim.

Komentet në internet të Donald Trumpit dhe zëvendëspresidentit Mike Pence kanë shkaktuar gjithashtu shqetësimin e Iranit. I dërguari u ankua edhe ndaj shkrimeve absurde në Twitter, të cilat i bënin thirrje protestuesve që të angazhoheshin në veprime shkatërrimtare dhe madje i inkurajonin ata për ndryshim të qeverisë së tyre, duke treguar hapur ndërhyrjen amerikane në punët e brendshme të Iranit përmes Facebookut dhe Twitterit.”

Deklaratat e ashpra të Trump për Teheranin u kritikuan më parë edhe nga zëdhënësi i Ministrisë së Jashtme të Iranit, i cili i sugjeroi udhëheqësit amerikan që të trajtojë çështjet e brendshme të vendit të tij” në vend që të humbë kohën duke postuar shkrime të padobishme dhe fyese për të tjerët.

Të mërkurën, Presidenti francez Emmanuel Macron tha se deklaratat armiqësore mbi protestat në Iran nga SHBA, Izrael dhe Arabia Saudite mund të çonin në një luftë. Ai kërkoi gjithashtu nga të gjitha partitë që të mbajnë ekuilibër në marrëdhëniet me Republikën Islamike.

Rusia paralajmëroi gjithashtu SHBA-në kundër përpjekjeve për të ndërhyrë në punët e brendshme të Iranit. Zëvendësministri i jashtëm rus Sergej Ryabkov tha se Uashingtoni e kishte përdorur situatën për të penguar marrëveshjen bërthamore me Teheranin. Më herët këtë javë, zëdhënësja e Ministrisë së Jashtme Maria Zakharova gjithashtu i kujtoi SHBA-së përvojën në “uljen e protestave”, përfshirë arrestimet masive, shtypjen ndaj lëvizjes Okupo Wall Streetin si dhe operacionet kundër protestuesve në Fergusson.

Duke folur në RT, disa iranianë theksuan trajtimin e padrejtë të vendit të tyre. Përkundër vlerësimit të disave ndaj mbështetjes amerikane, të tjerë thanë se protesta për të njëjtat çështje mund të ndodhin kudo.

“Në çdo vend, njerëzit mund të protestojnë kundër çmimeve të larta. Por sa herë që ndodhin protesta të tilla në vendin tonë, kundërshtarët e institucioneve dalin dhe i mbështesin ato”, tha një grua për RT. Një banor tjetër vendas tha se kundërshtarët e autoriteteve i përdorin trazirat për qëllimet e tyre.

Pavarësisht nga fakti se shumica e problemeve ekonomike të Iranit “krijohen në vend”, Uashingtoni është gjithashtu fajtor për këto probleme pasi ka shkelur detyrimet e veta ndërkombëtare, beson ish-ambasadori i Britanisë së Madhe në Iran, Sir Richard Dalton./rt/Gazeta Impakt