Admir Abrija ka dorëzuar dorëheqjen nga detyra e drejtorit të përgjithshëm të burgjeve, e cila do të diskutohet në mbledhjen e qeverisë. Deri më tani nuk dihen arsyet e dorëheqjes së tij.
Së fundmi, situata në burgje ka qenë mjaft e diskutuar, pas ngjarjes së rëndë në burgun e Peqinit ku Sokol Mjacaj vrau Arben Lleshin.
Abrija mori drejtimin e burgjeve me propozim të ministrit të Drejtësisë, Ulsi Manja, më dhjetor të vitit 2021 pas lirimit nga detyra të Agim Ismailit. Muajt e fundit është përfolur shpesh për largimin e tij nga detyra.
Ndërkohë kujtojmë që në dhjetor të 2023, në pikën kufitare të Kapshticës u arrestua vëllai i tij Ardit Abria për veprën penale “Kontrabanda nga punonjës që lidhen me veprimtarinë doganore”./tpz
