Bota

“Kasapi i Bosnjes” Ratko Mlladiç do të apelojë dënimin për genocid dhe krime kundër njerëzimit

Ish-komandanti serb i Bosnjës Ratko Mladiç do të apelojë dënimin e tij për genocid dhe krime kundër njerëzimit në gjykatën e Hagës.

Seanca dëgjimore dy-ditore do të fillojë të martën pasi ajo u vonua disa herë për shkak të çështjeve shëndetësore të Mlladiç dhe pandemisë.

78-vjeçari udhëhoqi forcat ushtarake serbe gjatë māsakrës së muslimanëve boshnjakë gjatë luftës së viteve 1990 në Bosnje.

I njohur si “Kasapi i Bosnjës”, ai u burgos për jetë në nëntor 2017.

Mbrojtja do të flasë së pari në gjykatën në Hagë, teksa prokuroria do të flasë pak më vonë. Avokatët e tij pritet t’i tregojnë gjykatës se ai nuk ka urdhëruar mizoritë për të cilat u dënua.

Vetë Mladiç do të flasë për dhjetë minuta të Mërkurën, megjithëse është e paqartë nëse ai do të paraqitet personalisht./Tpz

OPINIONE

INTERVISTA