Shqiperia

Kavaj: Ja kush mund të jetë kandidati demokrat për Kryetar Bashkie

Në një kohë që gara pritet të jetë e ashpër, zërat po shtohen çdo ditë e më shumë se kush do të jenë kandidatët për kryetarë bashkie nga forcat politike, që do të zënë këtë post, pas dorëheqjen së Elvis Rroshit. Ndonëse zgjedhjet për kryetar bashkie të këtij qyteti ishin planifikuar që më 7 maj, ata u anuluan, ndërsa tashmë datë e re kur do të votohet për pushtetin lokal, është ajo e 25 qershorit, e njëjta edhe me zgjedhjet parlamentare.

Burime të besueshme për GSH.al kanë bërë të ditur se Partia Demokratike, e ka vendosur se me cilin kandidatë do të konkurrojnë në këto zgjedhje, ku kërkojnë të fitojnë Bashkinë Kavajë.

Mësohet se ai është Isa Sakja, aktualisht mban postin e kryetarit të degës së PD­së Kavajë. Nga ana tjetër, nuk dihet nëse Partia Socialiste do të paraqesë të njëjtin kandidat, që ishte edhe për zgjedhjet e 7 Majit, por që u anuluan, ajo e Klodian Shehit.

“Do të rikandidoj sërish. Kam mbështetjen e bazës dhe të

kryeministrit” është shprehur Shehi për mediat, një ditë pas lajmit të anulimit të zgjedhjeve dhe dorëheqjes së tij nga kandidat për kryetar bashkie Kavajë.

Dhe kjo deklaratë e tij lë vend për diskutime nëse do ta propozojë sërish Partia Socialiste apo jo për kryetar bashkie.

Në rast se po, atëherë ai do të ketë përballë kandidatin që pritet të zyrtarizohet nga PD­ja nesër, Isa Sakja. Gjithsesi, gjithçka mbetet për t’u parë.

Zgjedhjet e anuluara

Më 7 maj ishte planifikuar të zhvilloheshin zgjedhjet për kryetar bashkie të Kavajës, në një kohë që edhe presidenti i Shqipërisë e kishte dekretuar këtë. Mirëpo, ata u anuluan. Kjo pasi kryeministri Rama e tërhoqi kandidatin e mazhorancës, e fill pas kësaj u dorëhoq edhe kandidati i pavarur. Vetë Kryeministri i Shqipërisë, Edi Rama, dy ditë para 7 majit bëri të ditur anulimin e zgjedhjeve në Kavajë, ndërsa shtoi: “Provokimit antikushtetues, antiligjor e antidemokratik, ne nuk duhet dhe nuk do ti përgjigjemi flakë për flakë. Kavaja nuk do të bëhet sheshi për një shesh të neveritshëm. Turpi le ti mbetet PD­së. Unë i kam sugjeruar kandidatit tonë në Kavajë që të tërhiqet. Këtë ja ka kam kërkuar edhe kandidatit tjetër”, ka deklaruar kryeministri Rama.

Opozita kishte njoftuar bojkotin në zgjedhjet lokale në Bashkinë e Kavajës dhe bëri thirrje për një protestë kombëtare që do të mbahej në Kavajë, ditën e zgjedhjeve. Mirëpo, duke qenë se zgjedhjet u anuluan, e njëjta gjë ndodhi edhe me Partinë Demokratike; nuk e zhvilluan protestën. GSH.al

OPINIONE