Bota

Koronavirusi i ri zbraz Londrën tri ditë para Krishtlindjeve

Pamje shokuese u morën mëngjesin e sotëm teksa si rrallëherë kufizimet e reja të pandemisë Covid-19 lanë Londrën një qytet të zbazur disa ditë para Krishtlindjeve.

Normalisht sezoni festiv duhet të ishte në vrull të plotë me familjet që bënin blerjen e minutave të fundit para përgatitjeve për festat e krishtlindjeve.

Por sot kryeqyteti ishte i zbrazur teksa vetëm disa punonjës “kyçë” merrnin trenat nëntokësorë dhe shumica e qepenave te dyqaneve ishin të ulur.Prej të shtunës kryeministri Boris Johnson vendosi përshkallëzim të kufizimeve në Londër dhe shumicën e juglindjes së Anglisë, duke vendosur më shumë se 16 milionë njerëz në izolim.

Vendimi bëri që blerësit të vërshonin në zonat e dyqaneve të shtunën, teksa në pamje shiheshin të shtunën rrugët Oxford Street e Regent Street të mbushura me blerës të festave.

Londra dhe juglindja janë vendosur në atë që njihet si “Ndarja 4” e kufizimeve maksimale me rrugë të zbrazura dhe njerëz të detyruar të qëndrojnë në shtëpi.

Shumica e dyqaneve, palestrat e floktoret janë të mbyllura dhe rezidentët nuk mund të largohen nga zona e tyre.

Metroja e Londrës ishte thuajse e zbrazur sot pasi shumë po punojnë nga shtëpia që prej hyrjes së fuqi të rregullave të reja. Porti kryesor i Dover ishte i mbyllur për të gjitha transportet e mallrave për 48 orët në vijim, prej paniku të përhapjes së variantit të ri mutant, më ngjitës të koronavirusit.

Mengjesin e sotëm qeveria franceze tha se do të krijojë protokollin e ri te sigurisë me Britaninë për rinisjen e lëvizjeve.

ballkanweb

OPINIONE