Prej disa muajsh qytetarët e Durrësit nuk marrin asnjë shërbim nga bashkia e qytetit të tyre.
Qytetarët durrsakë me probleme ende të pazgjidhuara sorollaten nga punonjësit e bashkisë sa në një derë në tjetrën.
Në zyrën e ankesave pranë kësaj bashkie janë me dhjetëra qytetarë që dynden çdo ditë. Që nga problemet e shkaktuara nga tërmeti të cilat kanë 13 muaj pa zgjidhje tek problemet me taksat, ujin e pijshëm, me mungesën e ndricimit dhe të gjelbërimit kërkojnë zgjidhje.
13 muaj pas tërmetit shkatërrimtar janë me qindra e mijëra familje që u përjashtuan nga procesi i rindërtimit. Vetëm tre ditë më parë u hap sërish procesi i regjistrimit të godinave të dëmtuara dhe banorët e Durrësit presin me orë të tëra në radhë për të dorëzuar dokumentat.
Por teksa presin, akuzojnë bashkinë se nuk e menaxhon si duhet këtë proces.
(BalkanWeb)
