Kukësi është qarku i parë që ka mbyllur të gjithë procesin e numërimit të votave brenda dhe jashtë vendit.
Komisioni Qendror i Zgjedhjeve ka konfirmuar se deri më tani vetëm Kukësi e ka mbyllur këtë proces, ndërsa vazhdon numërimi i votave preferenciale të diasporës për kandidatët në disa qarqet e tjera të vendit.
Në këtë qark, Partia Demokratike ka fituar 2 mandate deputeti, Flamur Hoxha dhe Isuf Çelaj, ndërsa PS-ja vetëm një mandat, me Eduart Shalsin.
Reagimi i KQZ:
VOTIMI NGA JASHTË!
Ka përfunduar numërimi dhe vlerësimi i fletëve të votimit nga jashtë (Greqi) për subjektet zgjedhore në qarqet:
1. Kukës
2. Durrës
3. Tiranë
4. Shkodër
5. Dibër
6. Lezhë
Vijon procesi i numërimit dhe vlerësimit të fletëve të votimit nga jashtë (Greqi) për subjektet zgjedhore në qarqet:
1. Korçë
2. Gjirokastër
3. Vlorë
4. Elbasan
5. Berat
Ka filluar procesi i numërimit dhe vlerësimit të votave nga jashtë për kandidatët e votimit preferencial (në listë ‘të hapur’) në qarqet:
1. Durrës
2. Tiranë
3. Shkodër
4. Fier
5. Lezhë
6. Dibër
Në qarkun Kukës ka përfunduar procesi i numërimit dhe vlerësimit të votave nga jashtë për kandidatët e votimit preferencial (në listë ‘të hapur’)./syri
