Azerbajxhani nuk ka armiqësi ndaj banorëve me origjinë armene të Karabakut dhe do t’u sigurojë atyre lehtësim, siguroi presidenti i vendit Ilham Aliev disa orë pasi Baku përfundoi aktivitetet antiterroriste në rajon.
“Popullsia armene në Karabak tani mund të marrë frymë të qetë. Ata janë qytetarët tanë. Ne nuk kemi armiqësi ndaj popullit armen. Ne i mbajmë përgjegjës ata që janë në krye të regjimit kriminal”, tha Aliyev në një fjalim televiziv drejtuar kombit.
Ai tha gjithashtu se procesi i çarmatimit dhe largimit të grupeve të armatosura ilegale armene nga pozicionet e tyre në Karabak është në progres.
“Të gjitha detyrat e caktuara (në Karabak) u kryen brenda një dite të vetme. Terroristët janë ndëshkuar. Sovraniteti i Azerbajxhanit është rivendosur në rajon”, shtoi ai.
Gjithashtu, presidenti Aliyev vlerësoi “kompetencën e papritur politike” të shfaqur nga Armenia dhe rëndësinë e saj në përfundimin e aktiviteteve antiterroriste./AA
