Një nga operacionet më të bujshme ushtarake të dekadave të fundit eshte kryer gjate orêve te para te se shtunes, kur forcat speciale te Shteteve të Bashkuara kapën presidentin e Venezuelës, Nicolás Maduro, në një ndërhyrje të drejtperdrejte dhe te mirekoordinuar ne territorin venezuelian.
Operacioni u realizua nga njesia elitare amerikane
“Delta Force”, një forcë legjendare e njohur për misione të nivelit më te lartë, e njejta që ne vitin 2003 lokalizoi dhe arrestoi ish-diktatorin irakian Sadam Husein. Lajmi u konfirmua nga autoritetet amerikane dhe u bë publik nga presidenti Donald Trump, i cili e cilësoi ndërhyrjen si “një operacion brilant dhe të pastër”.
Sipas informacioneve zyrtare, operacioni nisi rreth orës 02:00 të mëngjesit me orën lokale në Karakas dhe përfshiu manovra ajrore shperqendruese, goditje elektronike dhe nje inkursion te shpejte tokesor ne zemrën e aparatit shteteror venezuelian. Sistemet e mbrojtjes dhe komunikimit u neutralizuan ne objektiva strategjikë si Fuerte Tiuna dhe baza ajrore La Carlota, duke paralizuar reagimin e forcave vendase.
Në kaosin e krijuar, operatorët e Delta Force depërtuan drejtpërdrejt ne zonën e sigurisë së lartë, ku Maduro dhe bashkëshortja e tij, Cilia Flores, u kapën dhe u nxorën jashtë vendit, perpara se strukturat e sigurisë venezueliane të arrinin të organizonin një kunderpërgjigje. Çifti u transferua menjëherë në SHBA.
Ngjarja ka shkaktuar tronditje te forta politike dhe diplomatike, ndërsa Karakasi zyrtar ka mbetur në heshtje, pa dhënë sqarime mbi fatin e presidentit.
Analistët e kanë cilesuar këtë nderhyrje si një moment kthese në Amerikën Latine dhe si një demonstrim force të drejtpërdrejtë të Uashingtonit ndaj regjimeve që i konsideron armiqesore.
Delta Force konsiderohet një nga formacionet më sekrete dhe më vdekjeprurëse të ushtrisë amerikane.
E themeluar në vitin 1977 nga koloneli Charles Beckwith, pas eksperiences së tij me forcat britanike SAS, kjo njesi eshtë projektuar per misione ekstreme: kapje lideresh, eliminime të objektivave me vlerë të lartë dhe operacione urbane precize./JOQ
