Ndërkohë që afatet për kooalicione dhe lista të përbashkëta kandidatësh për deputet po skadojnë me shpejtësi, enigmë ngelet ende, se si do të paraqiten në zgjedhjet e 11 majit partitë opozitare alternative të pozicionuara kundër Ramës, por edhe lidershipit të Berishês në PD.
Kohët e fundit është folur shumë për një listë të përbashkët mes partive të reja “Shqipëria bëhet” të Adriatik Lapajt, “Aleanca Kombëtare Shqiptare” me kryetare Eleni Kocaqi, si dhe “Nisma” e Endri Shabani.
Në dalje të shumta televizive që të tre, kanë lënë të kuptohet se bashkimi me listë të përbashkët është drejt finalizimit dhe zyrtarizimi është një formalitet. Por mbrëmjen e kësaj të marte, partia “Aleanca Kombëtare Shqiptare”, është distancuar zyryarisht prej tyre dhe madje, i ka denoncuar si “të patronazhuar nga regjimi”. Deklaratën në emër të partisë e ka bërë në faqen e saj në FB, Sekretarja e Përgjithshme Inida Gjata Kreuz, e cila nëpërmjet një shënimi të shkurtër tregohet e prerë në këtë vendim.
Deklaratë sqaruese nga partia Aleanca Kombëtare Shqiptare:
Përsa i përket deklaratave të bëra nga subjekte të reja politike, se do të jemi në një listë të përbashkët, dua t’ju informoj se nuk është e vërtetë dhe se është dezinformim. Aleanca Kombëtare Shqiptare do ruajë pavarësine dhe nuk do të përdoret nga askush, si karrem për vota. Ne i hymë kësaj rruge, se nuk besojmë se alternativat e propozuara do të ishin zgjidhja e duhur për shqiptarët.
Shqipëria ka nevojë për lëvizje patriotike dhe jo për parti të patronazhuara nga regjimi!
/Alfapress.al
