Pronarët e bizneseve në Sarandë janë ngritur sot në protestë dhe kërkojnë anulimin e punimeve në bulevardin e ri të qytetit.
Ata shprehen se punimet kanë 11 muaj që po bëhen dhe duhet të ishin përfunduar, që rruga të hapej për sezonin turistik.
Ata shprehen se janë prekur dhe nga kriza e COVID-19 dhe vera është shpresa e vetme për të punuar, ndaj kërkojnë hapjen e bulevardit.
Bizneset shprehen se protestat do të vazhdojnë deri në pezullimin e punimeve nga firma ndërtuese.
Bulevardi i Sarandës është një pikë kyçe, ku lidh pjesën qendrore të qytetit dhe gjatë verës është vendi më i frekuentuar nga turistët./tpz