Presidenti i Iranit, Ebrahim Raisi, ka paralajmëruar Izraelin se ekuacionet rajonale kanë ndryshuar dhe luftënxitja do të ishte e dëmshme për sionistët.
Presidenti iranian e bëri komentin të dielën në një mesazh, një ditë pasi lëvizja e rezistencës palestineze Hamas filloi një operacion madhështor të paprecedent duke përdorur një breshëri të madhe raketash në përgjigje të përdhosjes së xhamisë al-Aksa nga Izraeli dhe rritjes së dhunës së kolonëve sionistë. “Pa dyshim, regjimi sionist dhe mbështetësit e tij janë përgjegjës për rrezikimin e sigurisë rajonale dhe duhet të mbajnë përgjegjësi”, theksoi ai.
Presidenti Raisi i kërkoi komunitetit mysliman të qëndrojë pranë popullit palestinez në luftën e tij kundër Izraelit. Presidenti iranian gjithashtu përshëndeti operacionin nga palestinezët e guximshëm, i cili, tha ai, ngjalli frikë dhe habi në të gjithë “botën e mizorisë”.
“Irani fton të gjithë botën të vëzhgojë faktin se akumulimi i shtypjes dhe padrejtësisë ndaj kombit të shtypur palestinez, vazhdimi i fyerjeve ndaj grave dhe të burgosurve dhe përdhosja e Kudsit dhe ‘Kibles’ së parë të myslimanëve, nuk do të zgjasin përgjithmonë dhe me siguri do të përballen me rezistencën e kombeve.” Raisi përsëriti mbështetjen e Iranit për mbrojtjen legjitime të popullit palestinez./Parstoday
