Agjencia evropiane e policisë Europol tha të martën se rrëzimi i Encrochat, një kompani e fshehtë që u ofronte kriminelëve komunikime gjoja të sigurta të koduara, çoi në më shumë se 6,500 arrestime dhe 900 milionë euro (980 milionë dollarë) në asete të sekuestruara.
Sipas Routers sistemi kishte rreth 60,000 përdorues kur u mbyll papritur në qershor 2020, dhe Europol zbuloi muajin pasardhës se zyrtarët e zbatimit të ligjit kishin përgjuar komunikimet e përdoruesve për muaj të tërë.
Në një deklaratë të martën, Europol bëri përmbledhjen e tij të parë të rezultateve, të cilat tha se ishin valë tronditëse e krimit në Europë e më gjerë.
Policia ka analizuar më shumë se 115 milionë “biseda kriminale”, tha Europol, duke ndihmuar në parandalimin e “sulmeve të dhunshme, tentativave për vrasje, korrupsionit dhe transportit të drogës në shkallë të gjerë”.
Agjencia tha se hetimet e nisura nga rrëzimi i Encrochat deri më tani kanë çuar në sekuestrimin e 100 tonëve kokainë, 30 milionë pilulave “drogë kimike”, gati një mijë automjeteve, qindra pronave dhe dhjetëra varkave dhe avionëve.
Sistemi kishte rreth 60,000 përdorues kur u mbyll papritur në qershor 2020, dhe Europol zbuloi muajin pasardhës se zyrtarët e zbatimit të ligjit kishin përgjuar komunikimet e përdoruesve për muaj të tërë./TPZ
