Bota

Rritet në 20 numri i dëshmorëve palestinezë nga sulmet izraelite në Gaza

Tre palestinezë të tjerë, përfshirë një foshnjë, kanë rënë dëshmorë si pasojë e sulmeve izraelite në Rripin e Gazës, transmeton Anadolu Agency (AA).

Ministria e Shëndetësisë në Gaza njoftoi se palestinezët kanë pësuar në një sulm në veri të rajonit të bllokuar.

Me viktimat e fundit, numri i përgjithshëm i dëshmorëve nga sulmet izraelite nga dita e djeshme është rritur në 20.

Nga ana tjetër, tre persona pësuan në anën izraelite si pasojë e raketave të hedhura nga Gaza nga ana e grupeve palestineze.

Tensionet e fundit në Gaza u rritën pasi dy ushtarë izraelitë u plagosën me snajper të premten, me çka Izraeli ndërmori sulme ndaj vendbanimeve civile, kurse nga Gaza u realizuan kundërpërgjigje me raketa.

Izraeli dje nisi një operacion ajror me avionë luftarakë, duke cituar si arsye raketat e hedhura nga Rripi i Gazës.

Në mesin e shumë ndërtesave të goditura mbrëmë nga ushtria izraelite ishte edhe zyra e AA-së në Gaza./ AA