Bota

Ruhani: Sanksionet nuk arritën të dobësojnë vullnetin e kombit iranian

Presidenti iranian Hasan Ruhani tha se sanksionet e vendosura ndaj Iranit nga vendet perëndimore, veçanërisht nga Shtetet e Bashkuara, nuk kanë arritur të dobësojnë vullnetin e kombit iranian dhe kjo është dëshmuar përmes inaugurimit të vazhdueshëm të projekteve të zhvillimit nën sanksionet më të vështira.

Ruhani i bëri deklaratat të enjten në Teheran gjatë një ceremonie të mbajtur përmes video-konferencës që paraqiti përurimin e projekteve industriale dhe minierave në provincën veri-lindore të Khorasan Razavi dhe në provincën qendrore të  Esfehanit. Ai përmendi prirjen e vazhdueshme të vendit për realizimin e projekteve të ndryshme në fusha të ndryshme si një dëshmi e qëndrueshmërisë së Republikës Islamike në rrugën e përparimit të saj dhe theksoi faktin se “sanksionet nuk mund të ndikojnë në vullnetin e kombit iranian.” Ruhani pranoi se sanksionet e kishin vendosur vendin nën presion dhe i komplikuan operacionet e tij. Sidoqoftë, presidenti tha se drejtorët e njësive prodhuese në të gjithë vendin po kërkonin ndarjen e më shumë valutës së huaj për projektet e tyre në mënyrë që ata të shpejtojnë procesin e prodhimit, duke thënë se kjo vërteton se “armiku nuk ka qenë në gjendje të na ndalojë dhe të na detyrojë të dorëzohemi”. Jo vetëm që Irani nuk i ka lejuar armiqtë të arrijnë qëllimet e tyre kundër popullit iranian, por ai gjithashtu ka vazhduar të përparojë më tej, vuri në dukje Ruhani. “Sot, ne jemi duke dëshmuar një lëvizje shumë pozitive përpara në Iran,” vuri në dukje ai, duke kujtuar se as pandemia e koronavirusit nuk kishte penguar progresin e Republikës Islamike/PT

OPINIONE

INTERVISTA