Ministri i Jashtëm rus Sergej Lavrov u takua të mërkurën me Sekretarin e Shtetit të SHBA-së, Rex Tillerson dhe Presidentin Donald Tramp, në një udhëtim në kryeqytetin amerikan.

Para takimit, Lavrov tha se dy diplomatët e lartë do të diskutonin mbi një gamë të gjerë temash. Më herët, zëdhënësi i Kremlinit, Dmitri Peskov tha se priste që ata të diskutonin mbi marrëdhëniet dypalëshe dhe anti-terrorizmin.

“Unë dua të mirëpres Ministrin e Jashtëm rus Lavrov në Departamentin e Shtetit, dhe të shpreh vlerësimin tim për faktin që bëri këtë udhëtim në Uashington në mënyrë që të mund të vazhdojmë dialogun dhe shkëmbimin e pikëpamjeve që filluan në Moskë”, tha Tillerson.

Diplomatët e lartë u takuan për më shumë se një orë në Departamentin e Shtetit përpara se të shkonin në Shtëpinë e Bardhë për një takim me Trampin.

SIRIA, SANKSIONET E SHTETIT DHE MARRËDHËNIET BILATERALE

Një njoftim i Departamentit të Shtetit në lidhje me bisedën tha se Tillerson dhe Lavrov diskutuan për luftën në Siri, veçanërisht për mposhtjen e grupit terrorist të Daeshit (të jashtëligjshëm në Rusi), dhënien e ndihmës humanitare për civilët dhe rrëzimin e dhunës.

Ata diskutuan gjithashtu situatën në Ukrainë, me Tillersonin që tha se sanksionet e SHBA-së kundër Rusisë do të mbeten në fuqi derisa marrëveshjet e Minskut të zbatohen plotësisht.

Përveç kësaj, Departamenti i Shtetit tha se “Shtetet e Bashkuara dhe Rusia ranë dakord të vazhdojnë diskutimet për të zgjidhur çështje të tjera të shqetësimit dypalësh, duke përfshirë stabilitetin strategjik”.

Në një konferencë shtypi më vonë, Lavrov konfirmoi se ai dhe Tillerson ranë dakord të vazhdonin bisedën mbi marrëdhëniet dypalëshe të filluara më parë nga zëvëndësit e tyre.

Zv/ministri i Jashtëm rus Sergej Ryabkov dhe nënsekretari amerikan për çështjet politike, Thomas Shannon u takuan më 8 maj për të diskutuar marrëdhëniet e ndërlikuara midis dy kombeve.

“Deri tani nuk janë zgjidhur të gjitha çështjet, madje do të them se progresi është shumë modest, por kemi rënë dakord që do të vazhdojmë ta përdorim këtë kanal”, deklaroi Lavrov.

Marrëdhëniet SHBA-Rusi arritën një nivel të ulët të ri gjatë ditëve të prishjes së presidencës së Barak Obamës.

Marrëdhënia, e tendosur në vitet e fundit nga vendosja e NATO-s në Evropën Lindore, lufta civile në Siri dhe situata në Ukrainë, u përkeqësua nga akuzat e komunitetit të inteligjencës amerikane se Moska kërkoi të ndërhyjë në zgjedhjet e vitit 2016 për të parandaluar ish-sekretaren e shtetit, Hillari Klinton për t’u bërë presidente.

Zyrtarët rusë e kanë mohuar në mënyrë të përsëritur pasjen e qëllimit të lëkundjes së votimit në SHBA, dhe Lavrov i karakterizoi të mërkurën akuzat si të turpshme për Shtetet e Bashkuara.

“Është poshtëruese që populli amerikan të besojë se federata ruse po kontrollon situatën e brendshme në Shtetet e Bashkuara,” tha ai.

Për më tepër, Lavrov tha se çështja nuk u diskutua me Tillersonin dhe as gjatë takimit të tij me Trampin.

TAKIMI I LAVROV ME TRAMPIN

Lavrov vuri në dukje në konferencën për shtyp se si Trampi dhe Presidenti rus Vladimir Putin po kërkojnë rezultate të prekshme nga takimet e tij në SHBA.

Të mërkurën, Trampi i përmendi Lavrovit mundësinë e bashkëpunimit të dy vendeve në të ardhmen për zgjidhjen e një numri konfliktesh në Lindjen e Mesme.

Gjatë takimit të tyre në Zyrën Ovale, presidenti gjithashtu nënvizoi rëndësinë e bashkëpunimit për t’i dhënë fund luftës në Siri, sipas një leximi të Shtëpisë së Bardhë.

Më vonë, Trampu tha për shtypin e Shtëpisë së Bardhë se takimi me Lavrovin shkoi mirë.

“Ne po flasim për Sirinë dhe mendoj se do të bëjmë shumë (punë të) mirë në lidhje me Sirinë, dhe po ndodhin gjëra që janë vërtetë, vërtetë, vërtetë pozitive”, u tha Trampi gazetarëve.

Presidenti amerikan vuri në dukje se të dyja kombet duan t’i japin fund “vrasjeve – vrasjeve shumë të tmerrshme në Siri sa më shpejt të jetë e mundur”.

Trampi gjithashtu theksoi dëshirën e tij për të ndërtuar marrëdhënie më të mira me Rusinë, duke i bërë jehonë komenteve që ai ka bërë që nga fushata presidenciale që të dyja vendet do të përfitonin nga bashkëpunimi.

Lavrov vuri në dukje se dialogu midis tij dhe Trampit ishte “i lirë nga ideologjia” tipike në shumë nga diskutimet me administratën Obama.

Dëshirat e dy vendeve për të përmirësuar marrëdhëniet dhe për të gjetur zona me interes reciprok për bashkëpunim mund të jenë një temë diskutimi midis Trampit dhe Putinit, kur të dy takohen në korrik në samitin e G-20. / © Gazeta Impakt