Islamofobi Opinion

SH.S. YURI KIM + Alketa Vejsiu + mina me telekomandë = ekstremist islamik në Elbasan

Në foton kryesore të shkrimit tonë keni Madam Ambasadoren KIM bashkë me yllin e ekranit Alketa Vejsiun. Kjo foto është pak e sikletshme, sepse unë besoj se stafi i Ambasadës Amerikane në Tiranë ka aq informacion sa të jetë në dijeni që vëllai i kësaj Alketa Vejsiut të fotos është arrestuar me ca kile drogë  dhe me 4 (katër) mina me telekomandë. Për më shumë në linkun: https://dosja.al/lirohet-nga-burgu-vellai-i-alketa-vejsiut-u-kap-me-4-mina-me-telekomande/.

Apologjetë e Rama-regjimit mund të më sulmojnë me gjoja mentalitetin tim bolshevik, që për një anëtar të familjes duhet të mbajë përgjegjësi kolektive e tërë familja dmth edhe Alketa për të vëllain! Fatmirësisht në Amerikë, por edhe në cdo vend të NATO-s, kur bëhet fjalë për armatime, që përdoren për akte terroriste vëmendja dhe madje ostracizmi shtrihet edhe ndaj anëtarëve të familjes së trafikantit (narko-trafikant dhe terrorist në rastin e vëllait të Alketës). Unë nuk besoj se vëllai I Alketës këto 4 minat me telekomandë nuk i kishte për të kryer vepra penale, por do t’i përdorte në vend të fishekzjarreve për të festuar 4 apo qoftë edhe 14 korrikun!!!!!

Dalja në foto e Ambasadores KIM me Alketën është kryer në rrethana rënduese, sepse minat me telekomandë në Shqipëri tashmë po prodhohen thuajse në mënyrë industriale (SIC!). Vetëm në 8 vitet e fundit janë kapur nja 18 raste me mbi 50 copë mina të telekomanduara. Të tilla mina “Made in Albania”, po shndërrohen në kërcënim edhe për aleatët tanë në NATO. Tashmë këto mina janë shndërruar në mall eksporti mjaft të kërkuar. Në drejtim të Italisë ky tip minash po eksportohet edhe me mjete të sofistikuara si psh barka të vogla të telekomanduara (drone mbiujës). Mina të tilla po eksportohen edhe në drejtim të Malit të Zi e jo vetëm. Për më shumë në linkun: https://durreslajm.al/te-rinjte-nga-durresi-kapen-duke-transportuar-2-bomba-me-telekomande-drejt-malit-te-zi-video/ 

Si për koincidencë prodhuesit dhe trafikuesit e të tilla minave kanë intesifikuar aktivitetin e tyre pas kësaj foto perlë të Madam Ambasadores KIM me Alketa Vejsiun. Pa u mbushur mirë 48 orë nga shkrepja e fotos në fjalë, policia e Durrësit prangosi Eluar Thacin nga Katundi i Ri me vetëm 2 mina me telekomandë. Për më shumë në linkun: https://albaniandailynews.com/news/durres-man-arrested-for-remote-controlled-mines. Unë jam i gatshëm, që ta ndihmoj stafin e Ambasadës Amerikane në Tiranë, që të organizojë shkrepjen e një fotoje të Madam Ambasadores Kim me motrën e Eluar Thacit (ai i 2 minave me telekomandë), sepse besoj fort që një foto e tillë njëlloj si fotoja me Alketën do t’u shërbejë nacove tanë për të intesifikuar prodhimin, trafikimin dhe eksportimin e këtij tipi minash drejt shteteve të huaja anëtare të NATO-s. Eksportimi i një artikulli të tillë shton hyrjen e devizës së fortë në Shqipëri. Jo më kot në kohën e Dullës ekzistonte parimi: Pa eksport, nuk ka import!

Terroristi islamik me mjekërr dhe me thikë vs. minave me telekomandë

Për të plotësuar deri në një groteskun e kompozimit në pikturë “Shqipëri e Rilindjes”, antiterrori shqiptar goditi fort në Elbasan. Me plot bujë e zulmë 13 muaj më parë prangosën Endrion Debrovën. Ky Endrioni u prangos, sepse mbante mjekërr, falej në xhami, në facebook një e dy lavdëronte Allahun etj etj.

Pasi e prangosën, fatmirësisht dështuan me turp për ta rekrutuar spiun dhe agjent provokator në rradhët e besimtarëve myslymanë shqiptarë. Për hakmarrje e mbajtën peng në burg me akuzën armëmbajtje pa leje. Ky “terrorist” islamik në garazhin oficinë të të jatit kishte pasur një thikë pa leje, që i përmbushte kushtet e qenies armë e ftohtë. Në Elbasan, ku gjen nga pistoletë prestigjoze izraelite “Jericho” (vrasja elektorale), deri te snajper zviceran ultramodern, në Elbasan, ku gojët e liga flasin se në treg është rritur kërkesa për fishekë finlandezë “Lapua Magnum”, kalibër 8.58X70mm, në Elbansan, ku janë përdorur dhe janë kapur disa raste mina me telekomandë, antiterrori i qep dosjen “terroristit” të rrezikshëm Endrion Debrova! Aferim!

Në vitin 2020 po përsëritej viti 1990, kur një farë Agron Nano pasi shtypi me dajak, plumba e zinxhir tanku demonstratën antikomuniste të 14 dhjetorit 1990, u përpoq të ndërtonte një process të montuar politik me akuza për diversion, ku demonstruesve të Elbasanit do t’u provoheshin edhe lidhjet agjenturore me CIA-n!!!!! Diktatori Alia me brekë nëpër këmbë totalisht i tmerruar ndërhyri personalisht dhe akuzat kundra demonstruesve elbasanllinj u shfrynë nga diversion, terror, spiunazh në sjellje e padenjë në shoqëri, dëmtim i pasurisë socialiste me dashje në përmasa të mëdha apo grumbullim i paligjshëm. Kot nuk thonë xhanëm se qeni qimekuq qimen e ndërron, por zakonin nuk e harron!!!! Pjesë e këtij grotesku ekstrem është që prokurori Karanxha, i cili ia qepi dosjen hallexhiut Debrova, vetë përfundoi si limon i shtrydhur, pasi ngeci në rrjetën e vettingut!!!! I kujtoj këtij jallan prokurori se jo më kot në Ungjill shkruhet :”God works in mysterious ways”

Hallexhiu Debrova po e pëson njëlloj sia hallexhinj të tjerë, që kalben në burg, se janë kapur me 20 apo 30 gramë kanabis, ndërsa ata që trafikojnë kanabis me tonelata dhe kokainë me kuintalë, bëhen deputetë e ministra, madje krijojnë edhe minigrup parlamentar me nga 3 copë deputetë në të!!!!!

Publikisht i lutem Madam Ambasadores KIM, që ashtu sic doli në foto me Alketa Vejsiun, të dalë në foto edhe me Agimin, babain e Endrionit. E siguroj SH. S. KIM, se ky Agimi është po aq në mos më shumë fotozhenik se Alketa Vejsiu. Me që jemi këtu shfrytëzoj rastin për t’i premtuar Madam Ambasadores KIM publikisht, se do shfrytëzoj cdo kontakt timin këtej e andej Atlantikut, që ky shkrim apo një përmbledhje e tij të botohet në mediat e huaja (sidomos ato në gjuhën angleze), kështu që evitohet edhe bezdija apo lodhja, që mund t’u shkaktohet diplomatëve amerikanë në Tiranë, për të shkruar kabllogramin e radhës.

Njëlloj si edhe në plot raste të tjera: I do keep my promises!

 

GJERGJI THANASI

 

 

OPINIONE