Me anë të një postimi në rrjetet sociale, kryeministri Edi Rama ka bërë të ditur se ka nënshkruar marrëveshjen me guvernatorin e Bankës së Shqipërisë, Gent Sejko për të shtyrë deri në fund të muajit gusht këstet e kredive.
‘Bashkëfirmosëm me guvernatorin e Bankës së Shqipërisë një shtyrje të mëtejshme tremujore të kësteve të kredive deri në 31.08.2020″, shkruan Rama.
Po ashtu, kreu i Qeverisë njofton se, Banka e Shqipërisë miratoi një lehtësim për bankat e nivelit të dytë, që të bëjnë ristrukturime proaktive të kredive deri në 31.12.2020, me shtrirje një ose disavjeçare, sipas shkallës së vështirësive të çdo biznesi.
Postimi i Edi Ramës:
Lajm i mirë
Bashkëfirmosëm me guvernatorin e Bankës së Shqipërisë një shtyrje të mëtejshme tremujore të kësteve të kredive deri në 31.08.2020
Gjithashtu Banka e Shqipërisë miratoi një lehtësim për bankat e nivelit të dytë, që të bëjnë ristrukturime proaktive të kredive deri në 31.12.2020 me shtrirje një ose disavjeçare, sipas shkallës së vështirësive të çdo biznesi./tpz
