Shqiperia

Skandal/ Erion Veliaj prish parkun e fëmijëve për të ndërtuar kompleks pallatesh në Tiranë (FOTO)

Aksioni për të prishur parqet e gjelbëruara me stola dhe kënde lojërash për fëmijë ku kalojnë pasditen e qetë familjarët në Tiranë vazhdon të jetë aktiv.

Akoma pa kaluar një javë nga zgjedhjet, Bashkia e Tiranës ka dhënë lejen për nisjen e punimeve të një kompleksi të ri pallatesh në zonën e ish-Parkut të Autobusave, pranë “21 Dhjetorit” në kryeqytet.Mbrëmë në orën 23:00 të natës-siç raportojnë qytetarët,  kanë mbërritur punonjësit e firmës së ndërtimit për të rrethuar parkun. Rrethimi ka zgjatur gjashtë orë deri në 05:00 të  ndërsa banorët e lagjes së Parkut kanë dalë të revoltuar duke e kundërshtuar veprimin e tyre.

Një qytetare, banuese në njërin nga pallatet që janë pranë parkut ka denoncuar rastin në fjalë në redaksinë tonë teksa tregon momentin kur punëtorët kanë mbërritur në zonë për të rrethuar me hekura pjesën e parkut ku do të ndërtohen pallatet e reja.“Ishte ora 23:00, disa nga komshinjtë ishin në gjumë, ndërsa dëgjuam zhurmën që vinte nga poshtë tek parku. Zbritën poshtë një nga një dhe po pyesnim se çfarë po ndodh? Kur i pyetën punëtorët ata na thanë: “Ja dhe një orë kemi dhe mbaruam punë”.

Ndërsa puna e tyre rifilloi edhe në 05:00 të mëngjesit. Pak minuta më parë filluan të hiqnin dhe stolat ku uleshim për të pushuar. Këto mund t’i shikoni dhe në foto”- ka thënë ajo për “Foldrejt.info”. Pas denoncimit të qytetares, grupi i aktivistëve “Qytetarët për Parkun” ka publikuar projektin e plotë të prishjes së parkut të autobuzave, ku do të ndërtohet një kompleks pallatesh, i firmosur nga kryebashkiaku Erion Veliaj./FOLDREJT.INFO/ 

Parku si ka qenë

Postimi i plotë i aktivistëve “Qytetarët për Parkun” në “Facebook”

Genplani i betonizimit te parkut te autobuzave firmosur nga:

Ditjon Baboci – Drejtor

Gjergj Bakallbashi – Drejtor

Devis Agaraj – Pergjegjes Sektori

Marsida Gorea – Pergjegjes Sektori

Muhamet Kruja – Pergjegjes Sektori

Merita Qirjako – Pergjegjes Sektori

Donalda Mustafaraj – Arkitekt

Eva Hoxha – Arkitekt

Erion Veliaj – Kryetar Bashkie

Mos harroni se per keta ju vleni vetem diten e votimit!

OPINIONE