Drejtori i të ashtuquajturës “Zyra për Kosovën” në qeverinë serbe, Marko Gjuriç ka folur për takimin e 4 shtatorit që do zhvillohet në Shtëpinë e Bardhë mes liderëve të Kosovës dhe Serbisë.
Ai ka thënë se Beogradi drejt Washingtonit do të udhëtojë bashkë me kushtetutën e Serbisë dhe Rezolutën 1244 të Kombeve të Bashkuara, duke theksuar se Kosova duhet të harrojë punën e njohjes së pavarësisë.
“Ne kemi një qëndrim të qartë. Siç ka thënë presidenti Vuçiç. Ata nuk duhet të ëndërrojnë historinë e Kosovës së pavarur. Le të flasim për tema praktike, bashkëpunim, kjo është ajo që duam”, ka thënë Gjuriç.
Ai ka theksuar më tej se Serbia do të insistoj në diskutimin e çështjeve ekonomike, dhe do të kërkojnë hapjen e kufijve për çdo kënd që dëshiron të bëjë tregti.
Tashmë takimi mes dy vendeve do të mbahet në 4 shtator në Washington, ku mund të marrë pjesë edhe Presidenti amerikan Donald Trump.
Ky është takimi i dytë që është organizuar nga Richard Grenell, i dërguari i Shtëpisë së Bardhë për dialogun mes dy palëve./Tpz