Takimi mes ministrit të Jashtëm britanik David Lammy dhe sekretarit amerikan të Shtetit, Marco Rubio, është përshkruar nga mediat dhe zyrtarë si “bisedime në kohë krize”, në sfondin e tensioneve në rritje mes Izraelit dhe Iranit.
Të dy palët publikuan deklarata ku theksohet pajtimi i plotë mes SHBA-së dhe Britanisë së Madhe se Irani nuk duhet të zhvillojë kurrë armë bërthamore. Vendet perëndimore mbeten të unifikuara në këtë qëndrim.
Nga ana britanike, qëndrimi ishte më i theksuar në lidhje me rëndësinë e zgjidhjes diplomatike. Lammy theksoi urgjencën e situatës dhe deklaroi se ekziston një “dritare kohore” dyjavore për të arritur një marrëveshje diplomatike dhe për të shmangur përshkallëzimin e mëtejshëm në rajon.
“Po e marr këtë periudhë shumë seriozisht,” tha Lammy, duke nënvizuar se tani është momenti për të gjetur një zgjidhje paqësore. /mesazhi
