Një tërmet me magnitudë 5.6 të shkallës Rihter, ka goditur Iranin jugperëndimor.
Mediat e huaja shkruajnë se si pasojë të paktën dhjetë persona kanë mbetur të lënduar.
“Njerëzit në Sisakht dhe qytetin e Yasuj lanë shtëpitë e tyre në panik. Uji dhe energjia elektrike janë ndërprerë në Sisakht”, ka thënë për mediat një zyrtar lokal në provincën Kohgiluyeh dhe Boyer Ahmad.
“Ekipet e shpëtimit dhe ambulancat janë dërguar në zonë. Deri më tani dhjetë persona janë të lënduar”, shtoi më tej ai.
Agjencia shtetërore e lajmeve IRNA tha se tërmeti, i ndjerë në disa qytete në rajon, goditi në një thellësi prej dhjetë kilometrash. Deri më tani nuk ka raportime për viktima.
/tpz