Një aksident i rëndë ka ndodhur në aksin Lezhë-Shkodër, pranë fshatit Gocaj. Dy automjete janë përplasur me njëra tjetrën. Dyshohet se dy persona kanë humbur jeten.
Forcat zjarrfikëse kanë ndërhyrë për nxjerrjen e trupave nga automjeti. Raportohet se edhe dy persona kanë mbetur të plagosur.
Policia dhe grupi hetimor ndodhen në vendin e ngjarjes dhe po punojnë për zbardhjen e rrethanave dhe shkaqeve të aksidentit. Qarkullimi shfaqet problematik përkohësisht në këtë segment rrugor, për shkak të ngjarjes së rëndë./gazetaimpakt
