Bota

Zaharova: Rusia nuk ndërhyri në punët e brendshme të Maqedonisë

Zëdhënësja e Ministrisë së Punëve të Jashtme të Rusisë, Maria Zaharova deklaroi se “pavarësisht të akuzave të përfaqësuesve të ShBA-ve në llogari të Rusisë, Moska nuk ka ndërhyrë në punët e brendshme të Maqedonisë, por këtë e ka bërë Washingtoni”

“Përsëri dëgjohen akuza në llogari të Moskës për ndërhyrje në proceset e brendshme në Maqedoni. Atë që Matthew Palmer e tha në Shkup, për ndërhyrjen e Rusisë është qesharake. Dëshirojmë të përkujtojmë se më 19 tetor, ShBA-ja dhe jo Rusia, me ndihmën e metodave të pandershme, shantazheve, kanosjeve dhe blerjen e deputetëve, e shtynë në Kuvendin e Maqedonisë vendimin për fillimin e procedurës së re për ndryshimin e Kushtetutës së Maqedonisë. Ambasadori amerikan në Shkup ishte në ndërtesën e Kuvendit dhe menaxhoi me këto procese”, tha Zaharova, përcjell Telegrafi Maqedoni

Ajo ceku se kundër marrëveshjes së Prespës nuk është Rusia, por vetë votuesit e Maqedonisë të cilët e thanë qëndrimin e tyre në referendumin e 30 shtatorit.

Përfaqësuesi i lartë amerikan, Matthew Palmer, paraprakisht e kritikoi Rusinë për ndërhyrje në proceset në Maqedoni dhe i bëri apel pozitës në Kuvend t’i miratojë ndryshimet kushtetuese, duke e quajtur këtë rast si të vetëm, i cili nuk do të përsëritet më.

OPINIONE