Zgjedhjet e 11 majit! Rama vijon takimet me drejtuesit politikë të qarqeve

Kryeministri Edi Rama do të vijojë edhe këtë të diel takimet me drejtuesit politikë socialistë në kuadër të përgatitjeve për zgjedhjet parlamentare të 11 majit. Takimet do të zhvillohen në vilën qeveritare nr. 31, ku Rama do të takohet individualisht me çdo drejtues qarqu për të diskutuar emrat e mundshëm që do të përfshihen në listat e kandidatëve për deputetë.

Vendimi final për listat e kandidatëve do të merret në mbledhjen e kryesisë socialiste, e cila do të mbahet më 12 mars.

Gjithashtu, janë përmendur disa kryebashkiakë që kanë shprehur interes për të qenë në listat për deputetë, përfshirë Ervin Demon, kryetar i Bashkisë së Beratit, Juliana Mema, kryebashkiake e Dimalit, Tërmet Peçi, kryetar i bashkisë së Tepelenës dhe Agron Malaj, kryetar i bashkisë së Matit.Për listën e mbyllur, Rama ka theksuar se do t’i japë prioritet më të madh përfaqësimit të grave dhe vajzave, ndërsa për listën e hapur do të përfshihen eksponentë të PS-së që kanë më shumë se dy mandate, të cilët do të luftojnë për një vend në Parlament./BW