Pasi nëna ndërroi jetën për shkak të asfiksimit, edhe fëmijët e saj ndodhen në gjendje të rëndë shëndetësore.
Fëmijët të moshës 14-vjeç dhe 16-vjeç janë transportuar me urgjencë drejt Spitalit të Korçës. Sipas burimeve ata kishin marrë djegie në trup.
Informacioni paraprak:
Rreth orës 13:30, në bllokun nr. 3, Maliq, ka rënë zjarr në banesën e shtetasit V. A.
Si pasojë janë dëmtuar dhe janë dërguar menjëherë për ndihmë shëndetësore në spital shtetasja M. A. dhe dy fëmijët e saj të mitur, 14 dhe 6 vjeç. Dyshohet se si pasojë e asfiksisë shtetasja M. A., ka ndërruar jetë në spital.
Sherbimet e Policisë dhe ato zjarrfikëse bënë të mundur shuarjen e zjarrit.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit dhe dokumentimin ligjor të rastit./BW
