Armenia ka njoftuar njohjen e shtetit të Palestinës.
“Duke riafirmuar angazhimin e saj ndaj ligjit ndërkombëtar dhe parimeve të barazisë, sovranitetit dhe bashkëjetesës paqësore të popujve, Republika e Armenisë njeh shtetin e Palestinës”, tha Ministria e Punëve të Jashtme e Armenisë.
Ministria armene tha se më herët vendi ka mbështetur rezolutat e Asamblesë së Përgjithshme të OKB-së që bëjnë thirrje për një armëpushim të menjëhershëm në Rripin e Gazës, ku Izraeli që nga tetori i kaluar ka vrarë të paktën 37 mijë palestinezë. Ministria armene gjithashtu dënoi sulmet izraelite ndaj infrastrukturës civile dhe dhunën kundër popullatës civile./AA
