Banorët e prekur nga tërmeti i vitit 2019 në zonën e ish-Komunales kanë dalë ditën e sotme në protestë. Banorët kanë dalë në protestë pasi prej shtatë muajsh nuk kanë marrë bonuset e qirave.
Gjatë thirrjes së tyre ata kërkojnë bonusin e premtuar të qirasë. Një protestuese u shpreh se është nënë e tre fëmijëve dhe i bëri thirrje kryeministrit dhe kryetarit të bashkisë të mbajnë premtimin e dhënë, se do t’ju japin shtëpi, ndërkohë që kanë shtatë muaj pa marrë bonusin e qirasë.
“Unë jam nëna e tre fëmijëve. Erion Veliaj dhe Edi Rama na kanë ardhur tek socialja dhe na kanë premtuar se do të na japin shtëpi. Ku është premtimi? Ne kemi shtatë muaj pa bonus, ju lutem të dalin dhe të na sqarojnë. Kemi ardhur dhe njëherë tjetër dhe nuk na kanë bërë asgjë edhe këtë radhë nuk e di. Erion Veliaj dil dhe na sqaro, kaq duam!!'” u shpreh ajo./tpz
