“Duam drejtësi!”-fëmijët e vegjël brohorasin në protestën për dhunimin e 3-vjeçares

Një protestë nga prindër dhe fëmijë u organizua këtë të enjte në lidhje me rastin e 3-vjeçares e cila u dhunua nga edukatorja e saj në kopshtin privat.

Protesta u mblodh para Ministrisë së Arsimit, ku vogëlushët mbanin pankarta të ndryshme në duar me thirrje kundër dhunës në kopshte.

Ndonëse të vegjlit nuk e kuptojnë mirë rëndësinë e kësaj ngjarje ata njëzëri brohorasin për drejtësi, pasi një si ata u dhunua nga edukatorja që për detyra ka të edukojë dhe të mësojë.

Edukatorja Majlinda Dehima është arrestuar pas kërkesës nga Prokuroria e Tiranës.

Bashkë me fëmijët prindërit kanë vendosur të marshojnë drejt Ministrisë së Brendshme.