Në murin e xhamisë Hamza në Beauvais, provincën Oise të Francës, janë shkruar mbishkrime raciste natën e Krishtlindjes. Sipas lajmeve në mediat kombëtare, fraza “majmun” është shkruar me bojë të kuqe në murin e xhamisë Hamza në Beauvais natën e Krishtlindjeve.
Teksa teksti racist në fjalë është shkruar edhe në murin e një dyqani në qytet, komuna dhe kryesia e xhamisë njoftuan se do të bëjnë ankesë lidhur me këtë çështje. Nënkryetari i komunës Beauvais, Morad Laghrari, i cili vizitoi xhaminë pas incidentit, deklaroi se kishte mësuar për incidentin nga xhemati i xhamisë dhe tha: “Pashë fjalën ‘Majmun’ të shkruar me të kuqe në vendngjarje dhe mund t’ju them se të gjithë ishin jashtëzakonisht të befasuar”.
Laghrari theksoi se ishte tronditëse që një incident i tillë ndodhi natën e Krishtlindjeve, që supozohej të përfaqësonte paqen dhe vëllazërinë, duke shtuar se “Ne i dënojmë këto veprime”.
Kryebashkiaku i Beauvaisit, Franck Pia, nënvizoi gjithashtu se këto veprime, të cilat janë turp për njerëzimin, nuk kanë vend në Republikën Franceze.
Pia theksoi se është në kontakt me policinë për të gjetur autorët e ngjarjes dhe për t’i ndëshkuar ata.
Nga ana tjetër, në derën e një xhamie në qytetin Vigneux-sur-Seine në provincën e Essonne mëngjesin e 24 dhjetorit ishte varur një derr i egër i ngordhur.
Shoqata Kulturore Muslimane e Vigneux-sur-Seine, e cila menaxhon xhaminë, e dënoi këtë akt islamofob dhe paraqiti një ankesë.
