Bota Sociale

Gjermania pezullon kthimin e emigrantëve në Hungari

Gjermania nuk do të transferojë më migrantë drejt Hungarisë për aq kohë sa Budapesti i vendos në paraburgim duke mos respektuar direktivat evropiane në planin e akomodimit të refugjatëve, njoftoi sot Ministria e Brendshme gjermane.

“Pa një siguri të tillë nga ana e autoriteteve hungareze, nuk duhet të ketë transferime të migrantëve”, u shpreh një zëdhënës i ministrisë duke saktësuar se kjo masë do të zbatohej deri në një urdhër të ri.

“Autoritetet gjermane duhet të marrin një formë sigurie nga ana e autoriteteve hungareze që çdo refugjat i transferuar do të akomodohet në përputhje me dispozitat evropiane dhe se kërkesa për azil do të trajtohet sipas procedurave evropiane”, shtoi zëdhënësi, përcjell Atsh.

Ministri i deleguar për Çështjet Evropiane, Michael Roth theksoi gjithashtu gjatë takimit të sotëm me ambasadorin hungarez në Berlin, Peter Gyorkos se ka dyshime serioze në lidhje me pajtimin e lënies së migrantëve në paraburgim “me ligjin evropian dhe ndërkombëtar”.Expressi

OPINIONE

INTERVISTA