Ministri i Jashtëm turk Hakan Fidan tha se arsyeja kryesore për destabilitetin në Lindjen e Mesme është indiferenca e Perëndimit ndaj pushtimit izraelit. Sipas agjencisë së lajmeve SAMA, Fidan gjatë një konference të përbashkët për shtyp me homologun e tij egjiptian Sameh Shoukry, tha: “Nëse kriza në rajon nuk kontrollohet, kjo krizë do të përhapet në rrugët e vendeve perëndimore dhe në mbarë botën”.
Ai deklaroi se “përparësia jonë është t’i japim fund okupimit të regjimit sionist dhe të formojmë një shtet të pavarur palestinez”. Ministri i Jashtëm turk më tej shtoi: “Ne jemi të bindur se gjaku i dëshmorëve të Gazës është çelësi i shpresës së të gjitha kombeve të shtypura për të arritur të drejtat e tyre”. Nga ana e tij, kreu i diplomacisë egjiptiane Sameh Shoukry vuri në dukje: “Duhet gjetur një zgjidhje politike e cila do të çojë në formimin e një shteti të pavarur palestinez”.
“Ne po përpiqemi të dërgojmë ndihma në Rripin e Gazës dhe jemi përballur me shumë probleme në këtë zonë për shkak të pengesave nga Izraeli, duke përfshirë bombardimin e kalimit në Rafah. Ne jemi të pakënaqur me sasinë e ndihmave humanitare dhe hyrjen e pamjaftueshme të saj në Rripin e Gazës”, tha ai. Ai i bëri thirrje komunitetit ndërkombëtar që të marrë seriozisht çështjen e luftës në Gaza, mosdhënien e ndihmës së nevojshme për popullatën civile dhe dështimin për të vendosur një armëpushim në Rripin e Gazës./parstoday
